Short selling

دايما لما نتوقع إن سعر السهم بيزيد نشتريه عشان لما يزيد نبيعه ونربح منه لكن هل نقدر نربح لو توقعنا إن سعر السهم بينزل؟

نعم وهذا هو مفهوم الShort selling اللي بنعرفكم عليه

ايش هو الShort selling "البيع على المكشوف"؟ معناه انك تقترض مجموعة من الأسهم لشركة معينة من وسطاء وبيعها على أمل انخفاض سعرها في المستقبل وتكون ملزم بإعادة شرائها بعد انخفاض السعر وتعيدها لهم وبالتالي تربح الفرق بين سعر البيع والشراء، بمعنى المكسب من الخسارة.

لكن ايش يصير لو سعر السهم ارتفع بدل ماينخفض؟ إذا صار هذا الشيء فإنت ملزم بشراء السهم بالسعر المرتفع وتعيده للوسيط وبالتالي تكون خسرت فرق السعر اللي ارتفع أيضًا ، وعشان يحتاط الوسيط من ارتفاع سعر السهم يطلب منك وضع ٥٠ ٪؜ من قيمة السهم كتأمين.

طيب إيش خطورة البيع على المكشوف؟ لأن سعر السهم بالنزول محدود إلى الصفر بأفضل الحالات رح تكسب ١٠٠٪؜ ،لكن مارح يكون في حد لخسارتك لأن مافي حد لارتفاع السهم.

ومن اشهر حالات البيع على المكشوف اللي حصل بسنة 2008 خلال أزمة الرهن العقاري وكذلك اللي صار خلال ازمة كورونا مع شركة Game stop. كانت شركة الالعاب على حافة الإفلاس بسبب أزمة كورونا وأغلقت الكثير من فروعها وكان يصير Short selling كبير عليها من المستثمرين الكبار أو مايسمون بالحيتان.

لكن اللي حصل إن مجموعة من الشباب الهواة على موقع reddit ،لاحظو الهجوم اللي صاير من الحيتان ومراهنتهم الكبيرة على إفلاس الشركة فقرروا إنهم يستثمرون فيها ويرفعون قيمة أسهمها ويقيمون الحرب على حيتان ال wall street ،وبالفعل سعر السهم بدأ يرتفع من اقل من 4 دولار الى 19 دولار

سمع إيلون ماسك اغنى رجل بالعالم مالك شركة تسلا عن اللي صاير(اللي سبق وقاموا الحيتان بShort selling على شركته لكن ارتفعت اسهمها وخسروا)فجاء الوقت إنه ينتقم منهم وبتغريدة وحدة رفع فيها اسهم Game Stop بأكثر من 92% أو مايعادل 148$ للسهم الواحد واستمرت الزيادة لحد ماوصلت الى 430 دولار

وبالتالي خسروا الحيتان بما يقارب ب 5.05 مليار دولار تقريباً. وكثير من تطبيقات التداول وغيرها كانو يحاولوا يتدخلوا ويوقفوا اللي صاير عشان ينقذونهم من الإفلاس لكن فشلو بسبب حرية القانون الأمريكي اللي يكفل حق التداول والاستثمار

اللي صار سبب تضخم رهيب في الاقتصاد الأمريكي إلى أن تدخل البيت الأبيض لمحاولة إنقاذ الموقف. والسالفة هذي تكررت على شركات ثانية كمان مثل . AMC, BlackBerry, Nokia

written by:Amal Abdullah Almasrouhi